A da Khomai tsî Xoa Khoekhoegowab !nâ: “Buruxas ge ge !huri”

Buruxas tsî ||îs omaris di khoen ge !gûǂoa tsî !garob !nâ ge sī ||om. 

    !oes !nâs ge Buruxasa tents !nâ ge ǂkhai. ||îs ge gere !garo!gû ǂgao. ||îs ge khâi tsî tentsa xu ge ǂoa. 

    Kaise i ge !auga ge !khae i. 

    |Ūsa |o̅n ge hoa |khāgu ai gere ||nâusen. 

    “Titse, tare'e ||nā'e?” tis ge Buruxasa ge uri !uri īsib |honos dib ge hā ||îs xo̅|khā ||khana!kharu o. 

    ǂauses ge ǂkhari-oms ||ga ge !gû. 

    ||nātimîs ais ge karosa xū-i ai ra !gû|goasen.     “Hu-a-a-a-eee!” tis ge ra !au. 

    “Ti ma-a-a-a! Dada-a-a-a! Hui te-e-e! Hui te! Xū'i!” 

    ||îs ge ra !au tsî !au ka !au. 

    Hoaraga khoen ge ra ǂkhai. 

    ||în ge !om!nâde ra !am. 

    Dadab tsî Mamas ge Buruxasa ra hui!khoe. 

    “ǂhanu a Buruxas, !gomsi-i |khai! Tsûtsû si nî xū tama i. Ko̅ re kurusa īsib ge!” tib ge Dadaba ra mî. 

    Mamas ge Buruxasa ra ||naǂgā. 

    “|khī re,” tis ge ra mî. 

    “!gû re !haese ǂkhari-oms ||ga îs oa|khī kharob ||ga.”   

***

Khoekhoegowab Language and Literacy Working Group: Hansina Christian, Laurentius S. Tsatago Davids, Ernestine Gaweses, Karolina !gontes, Mattheus Axaro !goraseb, Johannes |awebahe ||hoeseb. Foto deur Pro Namibia Children, Omamas, in die Hardapstreek van Namibië. A da Khomai tsî Xoa Khoekhoegowab !nâ (Xrat 1) word gedruk deur Namibia Publishing House (Pty) Ltd., Windhoek, Namibië. Bestel 'n uitgawe van die kinderboek, |gôan ǂkhanib, by nossobgroep@gmail.com.