Water is baie kosbaar in die woestyngebiede van Afrika sodanig dat dit vir diegene wat daarvan afhanklik is, goddelike eienskappe aanneem. Vir inheemse mense is Water 'n antieke simbool van Lewe.
In die Ou Tyd, die Tyd vóór Tyd, het die Gode en al hul Skepsels hoog in die Lug gewoon;
Want Reën en Vuur was Een dourie tyd. Vuur het die aarde geskape en Sy Maat, Reën, het 'n Reënboog om Haar middel gedra.
Bidspringkaan verskyn heel eerste aan die Begin van die Wêreld, toe die hele aarde bedek was met Water.
Die Gode stuur toe vir Bidspringkaan om uit te gaan vind wat is die Doel van die Lewe;
En Bidspringkaan vra vir Heuningby* om Hom te vergesel.
Heuningby het vir Bidspringkaan oor die donker en onstuimige waters van die aarde gedra.
Na baie, baie dae het Heuningby moeg geword en koud gekry, en Bidspringkaan het swaarder en swaarder op Sy rug geword. Heuningby het dapper aangesukkel en toe stadiger en stadiger gevlieg.
Toe Hy nie meer kon nie, sak Heuningby af na die Waters;
En Heuningby sien die Eerste Blom, 'n groot Wit Blom, byna oop, wat bo-op die Water sit en vir die Son se Strale wag.
En Heuningby het vir Bidspringkaan in die Hart van die Blom neergelê en die Saad van die Eerste Mens in Bidspringkaan geplant.
Toe sterf Heuningby.
Toe die Son opkom en die Wit Blom word warm, word Bidspringkaan wakker in die Hart van die Blom, en van binne Hom, uit die Saad van Heuningby, is die Eerste Mens gebore.
***
*Die Heuningby is die inheemse simbool vir Wysheid en verduidelik die hele skeppingsverhaal.
Alhoewel hierdie pragtige skeppingsverhaal toegeskryf word aan die ''Sān van die Kalahari'', is die bron ongelukkig onduidelik aan watter een van die inheemse nasies hierdie verhaal behoort.
Namibië se inheemse wilde heuningby-spesies is die volgende:
1. Apis mellifera adansonii Latreille namibi
2. Apis mellifera scutellata lePeletier namibi
Opmerkings
Plaas 'n opmerking